紀念一個NBA傳奇巨星: Jerry West (The Logo)

對香港嘅NBA籃球球迷，甚至係七十或八十後嚟講，我地都好小提到一啲NBA嘅傳奇人物。我地會識得 Michael Jordan, Magic Johnson, Larry Bird, Pippen, Rodman 等嘅球星。 

但係當人提到六十年代嘅傳奇人物嘅時候，例如 Bill Russell, Oscar Robertson, Elgin Baylor, 等球星我地會一曉不通。

昨日洛杉磯 Staples Center 舉行了紀念一個超級NBA巨星: Jerry West!  大家知道NBA標誌裡面個人仔就係佢嗎? 為了紀念佢，Staples Center出面設立了一個 Jerry West 銅像。

Staples Center出面已經設了四個唔同嘅人銅像:  Magic Johnson, Chick Hearn, Wayne Gretzky, Oscar De La Hoya!

揭幕儀式出席人物有: Mitch Kupchak, Jerry Buss, Jeanie Buss, Magic Johnson, Kareem Jabbar, Elgin Baylor, Shaq, Gasol, and many many more!

72 歲Jerry West 嘅履歷表:

• NBA冠軍 1972
• NBA明星賽十四次
• 1969 NBA Finals MVP 1次
• 平均 27分 6.7助攻 5.8籃板球
• 一手策劃八十年代 Showtime Lakers 球員
• 2nd Round draft 到Nick Van Exel
• 簽 Shaq 成為 Lakers
• Trade 走 Vlade Divac，換取 Kobe Bryant
• 頭尾策劃八個 championship!!

猶他爵士隊教練Jerry Sloan教咗廿三年突然辭職！

BREAKING NEWS - 六十八歲猶他爵士隊教練Jerry Sloan教咗廿三年突然辭職！有報導講到因為爵士控球後衛Deron Williams同總教練Jerry Sloan 在比賽同練習時多次有衝突。 Williams 曾經公開批評 Sloan 嘅 Offense 打發守舊，對方能預測得到Utah會點進攻，直接批評到Sloan嘅戰術。 再加上Williams失去咗上年出生入死嘅3位好隊友，Kyle Korver, Carlos Boozer, Wesley Mathews, 另Williams更加覺得挫敗。

Jerry Sloan 同助理教練 Phil Johnson 流淚開記者會宣佈結束爵士教練生涯。 Jerry Sloan coach過超級球星， 如John Stockton， Karl Malone 等。 遺憾嘅係廿三年都未能贏得NBA冠軍。 Tyrone Corbin 會接管總教練一職。

NBA 標誌 Jerry West 認為Lakers球員年齡越大，防守越壞！

六十年代Lakers後衛暨八十至九十年代Lakers經理人Jerry West在汽車發佈會中講到今年Lakers因為球員歲數增高，體能開始衰退同緩慢， 整體球隊會慢慢退步. “I don’t think the Lakers will be good for much longer, ” , “You can keep a car running for a long time by changing the tires, etc. You can’t change a player’s tires.”

試問 West 開得口時，會唔會係錯呢？ 我就唔會話 West 講嘅嘢信唔過。 因為我覺得 Wes t有一個好勁嘅籃球判斷能力。 當年係佢一手策劃八十年代 Showtime Lakers 嘅球員，亦能夠喺 2nd Round draft 到Nick Van Exel，係佢張 Rick Fox， Robert Horry， trade 到 Lakers，係佢簽 Shaq 成為 Lakers，最勁嘅，就係佢一手策劃，trade 走 Vlade Divac，換取 Kobe Bryant！！ 冇佢，Lakers 就唔會頭尾得到八個championship!!